BALITANG LOKAL: Pintor sang ‘Hinilawod’ sa WVSU, nagtaliwan sa edad nga 78

Napatay sa edad nga 78 si Arturo “Art” Geroche, isa ka bantog nga Ilonggo comic artist kag una nga nagdibuho sang laragway ka epiko nga Hinilawod nga makita sa West Visayas State University Cultural Center Lobby.

Ginkompirma sang iya bata nga si Zarth Vincent Geroche ang balita sang Sabado, Pebrero 8.

Kilala si Geroche bilang isa ka comic book illustrator sa DC Comics kag bantog sa iya paglaragway sa maragtas sang Panay paagi sa nagkalain-lain nga mga obra maestra.

Una nga ginkabit sa lobby sang Cultural Center sang Unibersidad ang taliambong ni Geroche para sa inauguration ceremony sini sang tuig 1983.

Gin-perform man diri ang Hinilawod, isa ka epiko sang mga Panay Bukidnon, 28 ka tuig matapos ini madiskubrehan.

Nakatakna sa Pebrero 17 ang lubong ni Geroche sa Iloilo Memorial Park.